اعلامية تغرد: هيدا الشغل مش عيب … شغل المسؤولين لي بايعين ضميرن والبلد هو لي عيب

      التعليقات على اعلامية تغرد: هيدا الشغل مش عيب … شغل المسؤولين لي بايعين ضميرن والبلد هو لي عيب مغلقة

تداول ناشطون على مواقع التواصل الاجتماعي صورة لشاب يرتدي قميصاً أسود اللون كُتب عليه بالأبيض: “أنا لبناني والشغل مش عيب”.
كتبت الاعلامية ميسم حمزة الناشطة في المجال السياسي والاجتماعي ، عضو قيادة بيروت في حزب الاتحاد ورئيسة جمعية دعم وتأهيل العائلة ما يلي
اكيد الشغل مش عيب يا صديقي وما حدا احسن من حدا
ما تفكر انو في لبناني وضعو احسن من وضعك
بس الفرق انو انت تحديت الواقع وقررت تشتغل لتعيش بكرامة
ويمكن انت احسن من مليون واحد منا
بتصرفك هيدا عم تعطي درس لمليون مواطن لبناني انو ما يستسلم وما يوقف محلو
الف تحية تقدير واحترام لشخصك الكريم
ويا ريت كل الناس تعمل متلك لان الشعب اذا ما تحرك ما بحياتو حدا رح يحمل همن
بتصدق انت بتعلم الكرامة لكتير ناس عندن اشغال ومناصب وقاعدين على كراسي فيهن من خلالها يساعدو الناس بس ما عم يتحركوا وهمن حالن وجيوبن
هيدا الشغل مش عيب
شغل المسؤولين لي بايعين ضميرن والبلد هو لي عيب
وارفقت ما كتبته بصورة الشاب